واش كتقلب على بنك كيحترم القناعات ديالك (بنك إسلامي) وفنفس الوقت ما يقطعش ليك الصرف كل شهر؟ إيلا كنتي باغي تهنى من الاقتطاعات البنكية وتستافد من بطاقة بنكية دولية بلا ما تخلص عليها حتى ريال، فأنت فالبلاصة الصحيحة.
اليوم غادي نهضرو على واحد من أحسن العروض اللي كاينين فالسوق المغربية حالياً، وهو عرض من بنك الصفاء.
علاش تختار بنك الصفاء؟
بزاف منا كيعكاز يمشي للوكالة، كثرة الأوراق، والانتظار... بنك الصفاء جابت الحل "Digital" كامل. تقدر تفتح حسابك وأنت جالس فدارك، غير بالتليفون ومن خلال التطبيق ديالهم. والمفاجأة هي العرض ديال 0 درهم لمصاريف تسيير الحساب، وزيد عليها بطاقة بنكية كتقضي ليك الغرض داخل وخارج المغرب (Visa Gold) فابور.
الخطوات باش تفتح الحساب من التليفون :
العملية ساهلة وما كتاخدش وقت طويل، تبع غير هاد المراحل :
تحميل التطبيق : أول حاجة، تيليشارجي تطبيق " Assafa Mobile " من Play Store ولا App Store.
بدء التسجيل : دخل للتطبيق واختار فتح حساب جديد، وبدا تعمر المعلومات المطلوبة منك و ركز على العرض اللي فيه 0 درهم.المعلومات الشخصية : عمر المعلومات ديالك (الاسم، العنوان، رقم الهاتف...).
تصوير البطاقة الوطنية : غادي يطلب منك التطبيق تصور لاكارت ناسيونال ديالك من الجهتين، وتصور "سيلفي" باش يتأكدو من الهوية ديالك.
التوقيع الإلكتروني : غادي توصلك رسالة (SMS) فيها كود باش تأكد العقد ديالك إلكترونياً.
مميزات هاد العرض :
0 درهم مصاريف الحساب : يعني كتحط فلوسك وكتلقاهم، ما كاينش "مصاريف" ديال نهاية الشهر.
بطاقة Visa Gold دولية : صالحة للشراء من المواقع المغربية (Jumia, Glovo...) وحتى المواقع الدولية (AliExpress, Amazon...) وكتفعل بها حتى الـ PayPal.تطبيق ساهل : كتحكم ففلوسك، كتخلص الفواتير، وكتصيفط الفلوس غير من تليفونك.
نصيحة "Bechar" ليكم :
الخدمات البنكية التشاركية فالمغرب غادية وكتطور، وباش تستافد من هاد العروض خاصك تكون ذكي وتعرف تختار الباقة اللي كتناسب احتياجاتك بلا ما تغرق فالمصاريف المخبية. هاد العرض ديال بنك الصفاء كيتعتبر خيار ممتاز للناس اللي بغاو يبداو "بداية نقية" مع البنك.