بغيتي تفعل تطبيق التجاري ؟ وتاخد ID ديال حسابك
السلام عليكم أصدقاء مدونة BecharNews فهاد التدوينة أوهاد الشرح غادي نشرح ليكم كيفاش تاخدو ID ديال حسابكم من تطبيق التجاري موبيل أو البنكة ليك بحيث أن البنكة ليك أو التجاري وفابنك راه بنكة وحدة مكاينش فرق حيت عرض البنكة ليك عرض مجاني لشباب بين 18 و 35 سنة وتطلق عليه إسم Lbankalik.
واش Id متوفر في التجاري وفا بنك و البنكة ليك ؟
نعم بطبيعة الحال متوفر فيهوم بجوج و معرف الحساب كيختالف من حساب لحساب و هو لي كيعزز الحماية لحسابك بحيث ميمكنش يعرفو شي حد غيرك عكس باقي الأبناك لي كيديرو 7 الأرقام لولين من رقم حسابك ولي كيخلي الحماية ضعيفة بزاف فحسابك بحيث المخترق كيعرف رقم حسابك كيكون ضمن نصف العملية أما التجاري خدامة عكس الأبناك الأخرى وهنا فين كيكون الإمتياز على باقي الأبناك واخا يكونو خدمات مدفوعة كتستحق هاد الثمن,
عندي عرض البنكة ليك واش نقدر ندخل من تطبيق Attijari Mobile ؟
نعم باتأكيد حيت كما سبق و ذكرت انه البنكة ليك فقط عرض من عروض التجاري وفابنك يعني يمكن ليك دخل بنفس المعلومات البنكة ليك لتطبيق التجالري موبيل أو العكس تدخل بعلومات حسابك المدفوع في التجاري وفابنك لتطبيق البنكة ليك يعني عادي فقط خاص يكون عندك معرف الدخول و رقم الهاتف و كلمة السر باش تقدر تدخل و تخدم بحسابك،
رقم الهاتف كيتحتاج فاش كتبغي تدير أي تحويل أو إضافة مستفيد في حسابك يعني هادشي لي أتحتاج فيه رقم حسابك لعمليات الأمان فقط،
كيفاش ناخد ID حسابي التجاري وفابنك ؟
أول شي تدخل للتطبيق التجاري موبيل أو البنكة ليك
- كتكليكي على 3 شريطات فالقائمة الجانبية
- منبعد كتطلع ليك القائمة الجانبية
- كتدخل للإعدادات الحساب الديالك
- كتطلع ليك هاد الواجهة
- من بعد كتكليكي على أول خانة فيها جميع معلوماتك
وصلنا لأخير مرحلة ولي مهمة بزاف،
- من بعد ما دخل أتلقا عدة معلومات
- أتهبط لأخير خانة لي مكتوب فيها Identifiant لي هو المعرف ديالك
- كيكون متكون من 2 أحرف و الباقي أرقام
- كيكون مختالف من حساب لحساب
أما لي معندهوم لا تطبيق ما حلوش حسابهوم أونلاين تقدرو تمشيو للبنكة وتاخدو المعرف ديالكم Identifiant من الوكالة كيكون فالعقد ديالكم أما بنسبة لي حل حساب البنكة ليك أونلاين يقدر يلقاه ف Email في الرسائل لي توصل بيهوم فاش حل حسابو هادو هوما الطرق الوحيدة لي تجبد بيهوم معرفك الرقمي،