بغيتي السجل العدلي من الهاتف ديالك ؟
السلام عليكم أصدقاء مدونة BecharNews فهاد التدوينة أوهاد الشرح غادي نشرح ليكم كيفاش تاخدو السجل العدلي من الهاتف ديالكم بلا متمشيو لا لمحكمة ولا للدائرة الأمنية، بحيث أنه التحديث الجديد لي دارتو وزارة العدل طرحات منصة - موقع و تطبيق لي مخصص فقط للسجل العدلي لي يمكن تخرج منو النسخة الأصلية من Email أو البريد المضمون سواء كنتي في المغرب أو فأوروبا.
شنو هو هاد السجل العدلي ؟
السجل العدلي هي وثيقة عدلية كتخرج من المحكمة الإبتدائية لي كيكون فيها واش سبق ليك كان عندك سوابق سواء سجن أو دعوات نزاع أو أي شيئ بحيث كيوقع فيه وكيل الملك و القاضي يعني لا يمكن التلاعب به أو الوساطة فيه، يعني لا سبق و كان عندك سوابق غيطلع فيه كولشي أما لا معندكش سوابق فراه كطلع مكتوبة لاشيئ من الأحسن لواحد يبعد عن أي مشكل باش يبقا الملف ديالو نظيف مع الدولة بصفة عامة.
نموذج عن السجل العدلي ؟
هادي نسخة أصلية من السجل العدلي كتكون هاكا عوض لاشيئ لا كان عندك سوابق أيكتبوهوم ليك تما، كيوقع فيه وكيل الملك و رئيس مصلحة الضبط و كيكون تنبر بقيمة 10 دراهم.
واش عندهوم تطبيق ؟
بطبيعة لحال كاين تطبيق و كاين موقع غنخليهوم ليكوم بجوج ونتوما ولي بغيتو،
- رابط التطبيق : كليكي على الصورة
- رابط الموقع : كليكي على الصورة
جميع المعلومات خليتها ليكم إما من خلال التطبيق أو من خلال الموقع، و أنا كنصيحة أخوية دخلو من الموقع أفضل لأنه قديم على التطبيق و مجرب أكثر أما تطبيق يقدر يكون فيه شي عطب تقني Bugs.
شنو المطلوب باش ناخد السجل العدلي ؟
أول حاجة لا بغيتي تطلب السجل العدلي من الهاتف أو من المحكمة خاص يتوفرو فيك هاد الشروط و يكون عندك هاد الوثائق،
- تكون عندك بطاقة التعريف الوطنية المغربية
- تكون كتوفر على بريد إلكتروني
- أو غتوصل بيه فالبريد المضمون و أتخلص
- خاصك تكون نتا شخصياً متعطيش لشي حد يطلبو ليك
- المعلومات العائلية - إسم الأم و الأم
- الحالة العائلية
- تاريخ الإزدياد
- مكان السكنى
- المهنة
- ثمن التنبر لي كيدير عشرة دراهم
كدفع هاد الوثائق و تسنا يومين من العمل و تمشي للمحكمة لا كنتي أتاخدو بيدك، أما من الهاتف يوم واحد كيكون جاهز و كيوصلك PDF في Email ديالك.
و لا كنتو أطلبوه من الهاتف يعني من التطبيق لازم عليكم تحملو تطبيق هويتي الرقمية لي طرحاتو المديرية العامة للأمن الوطني باش تسهلو طريقة لي أتشدوه بها سبق و درت تدوينة على تطبيق هويتي الرقمية، لكن أنسهل عليكم الخدمة أنخلي ليكم الفيديو عليه.
كليكي على الصورة لمشاهدة شرح تطبيق هويتي الرقمية
بنسبة للجالية المغربية لي في الخارج الحل ساهل عندكوم يكفي تطبقو الشرح لي ذكرت كامل عادي فالخطوة ديال كيفاش بغيتو توصلو بالسجل ختارو البريد المضمون لي هي La Poste Maroc البوسطا أو Al Amana هوما لي كيتكلفو ليكم بالتوصيل ولي كيوصلكم فالوقت المحدد حيث كتسما Recommandé يعني كتوصي عليها بلي حاجة مهمة و مستعجلة.
حتى لهنا أنكونو وصلنا لنهاية هاد التدوينة شرحت كولشي كتابة، بغيتو شرح فيديو؟ تفضلوا.