بغيتي حساب بنكي مجاني باش تستافد من الدعم الإجتماعي المباشر ؟
السلام عليكم أصدقاء مدونة BecharNews فهاد التدوينة أوهاد الشرح غادي نشرح ليكم أفضل الحسابات المجانية في المغرب لي منها حسابات بنكية و محفظات إلكترونية الفرق بيناتهوم كبير ولي هو علاش قررت نكتب هاد التدوينة اليوم،
الفرق بين حساب بنكي و محفظة إلكترونية ؟
- نبداو بالحساب البنكي :
الحساب البنكي كيكون عندو شروط خاصة و هي أن يكون عندك فوق 18 سنة + كيكون عندك حساب دولي و محلي و بطاقة مصرفية لي تا هي عندها شروط خاصة للإستعمال و أي حاجة غيخصك تمشي ليها للبنكة عكس المحفظات،
- ندوزو للمحفظة الإلكترونية :
المحفظة الإلكترونية كتكون متاحة للجميع و بدون قيود أو شروط فقط برقم الهاتف و رقم هوية قومية، يعني تقدر غا تخربق المعلومات و تخدم بالتطبيق عادي ولي كيوفر ليك جميع الخصائص منها أداء الفواتير و إرسال المال دفع الفواتير و أداء الضربية على السيارات لكن العيب الوحيد هو لا توجد بطاقة مصرفية بإسمك أو دفتر الشيكات.
عروض الأبناك المجانية ؟
- بنك سياش :
هاد البنك الغني عن التعريف بسبب عروضه المجانية دائماً، عندو عروض مغرية للشباب و للنساء و الرجال يعني حساب مصرفي + بطاقة مصرفية دولية و محلية و تسيير الحساب مجاناً يعني باقة ثمنها 500 درهم كيقدمها للجميع مجاناً شرط تحل الحساب من الهاتف باش كتبقا مستافد من المجانية الدائمة عندو عدة عروض للشباب و النساء و الرجال منها :
- CODE30
- Offre GO
- Offre DUO
- Offre Sayidati
- بنك البنكة ليك :
هاد البنك هو التجاري وفابنك و هذا عرض ديالو لي موجه للشباب مجاناً مدى الحياة، التجاري معروف عندها باقات غالية جداً لكن خرجات بهاد العرض لي دار بلاصتو بين العروض المجانية لي موجه للدراري و البنات بين 18-35 سنة لا حلوه من الهاتف كيبقا مجاني + بطاقة مصرفية دولية و محلية و تسيير الحساب مجاناً :
- Lbankalik
- بنك أمنية :
هاد البنك هو بنك تشاركي تابع للسياش بنك لي تا هو معروف ضمن الساحة و تا هو مؤخراً دار ضجة بسبب العرض لي طرح مجاني عن بعد 100% لي مدى الحياة + 2 بطاقات مصرفية دولية و محلية بطاقة للسحب و بطاقة للشراء من الأنترنيت يعني نقدر نصنف هاد لبنك و هاد العرض كأفضل عرض للسنة مجاني بحيث هرس داك العروض لي فيها شروط :
- Uconnect
هذا هو العرض المجاني الوحيد لي عندهوم،
عروض المحفظات الإلكترونية ؟
هنا عنا 3 محفظات أساسية و مجانية للجميع و أفضلهم، حيت كيكون فرق بين المحفظات و الحسابات البنكية أولها فشحال تقد دخل لحسابك ؟ و البطاقات المصرفية ؟ و التحويلات ؟
- CASH PLUS
- JIBI - Wafacash
- DAMAN CASH
- BARID PAY
- CHAABI CASH
- شحال نقد نستقبل ؟
فالمحفظات الإلكترونية كنقدرو نستقبلو أكبر مبلغ ولي هو 2 د المليون ميمكنش نستقبلو أكثر بحيث ماشي حساب بنكي كتبقا فقط WALLET،
- البطاقات المصرفية ؟
فجميع المحفظات الإلكترونية مكتجيش البطاقة المصرفية بإسمك دائما كيكون معرف و لي متكون من أرقام فقط و البطاقة الصلاحية كتكون فيها قصيرة عكس الأبناك،
- التحويلات ؟
فجميع المحفظات الإلكترونية ميمكنش تفوت 2 مليون فحسابك أي كيعني التحويلات من التطبيق مغتفوتش هاد العدد + الإرسال للحسابات المغربية فقط عكس الأبناك،
دابا شنو غنختار باش نستقبل فلوس الدعم الإجتماعي المباشر ؟
كنصيحة مني ليكم سواء أب أو أم، المنحة ديال الدولة مغتفوتش 5000 درهم يعني تقد تعتامد فقط على محفظة إلكترونية ولي غنقتارح عليكم CASH PLUS لي مجاني + متوفرفجميع الأحياء الشعبية عكس باقي المؤسسات لي قلال و كيسدو بكري و كيخدمو للجمعة فقط أما كاش بلوس كتخدم حتى يوم الأحد.
- الشرح متوفر فيديو فالقناة أنخلي ليكم رابط الفيديو+ أندرج الفيديو فالتدوينة هنا :
رابط المشاهدة في الصورة :
في الأخير شكراً على متابعتكم على أمل رؤيتكم مجدداً في مقال أخر إذا كان لديكم أي سؤال أتركه في التعليقات سوف أجب عن أي سؤال في أقرب وقت ممكن