بغيتي تعرف كيفاش تستافد من Pass Jeunes ؟
السلام عليكم أصدقاء مدونة BecharNews فهاد التدوينة أوهاد الشرح غادي نشرح ليكم تطبيق Pass Jeunes هاد التطبيق طرحاتو وزارة الثقافة لي غيستافد منو الشباب لي باغيين يمشيو للمسرح أو معرض الكتاب أو الطرام ف مدينة الرباط و بزاف ديال المميزات فيه لي أنخليكم تكتشافوهوم راسكم.
واش التسجيل فالتطبيق مجاني ؟
بطبيعة الحال التسجيل مجاني كما سبق و ذكرت التطبيق من الدولة للشباب يعني الهدف منو هو تسهيل الحياة عللى الشباب.
شنو غنحتاج فالتسجيل ؟
غتحتاج رقم هاتف صالح أي عمرك تسجلتي بيه و البطاقة الوطنية + صورة ليك سيلفي.
واش التسجيل كيكون الموافقة عليه عشوائياً ؟
بطبيعة الحال لا بحيث كياخد وقت على الموافقة تا كيتأكدو من المعلومات عاد كيوافقو على الطلب و كيولي الجواز مفعل.
شنو القطاعات لي متوفرة فالتطبيق ؟
- قطاع الثقافة كيشمل المسرح و أي شيئ عندو علاقة بالثقافة
- قطاع الرياضة بما فيها كراء ملاعب القرب ب أرخص ثمن على الناس العامة
- قطاع النقل كيشمل طرام و الباص في مدينة الرباط
- قطاع التكوين
- و كاين قطاعات أخرلى لي مزال أتزاد مع باقي الأيام
واش التطبيق خدام ف جميع المدن ؟
لا حاليا خدام ف مدينة الرباط سلا فقط يعني باقي أيتعمم فباقي المدن الأيام القادمة.
سمعنا أن التطبيق كيعطي فلوس واش بصح ؟
هادي أهم نقطة نقدرو نهضرو فيها بحيث أنه التطبيق فعلا كيعطيك مبلغ مالي مخصص فكل قطاع ولكن ماشي الفلوس نقداً مثلا فكل قطاع كيخصص ليك 500 درهم تقدر دخل بيها للمسرح طيلة الشهر يعني الفلوس ها هي فحسابك ولكن من أجل قطاع معيين ماشي تقدر تخرجها أو تسمسر فيها بحيث كل قطاع كدخل ليه بالجواز ديالك.
كيما سبق و ذكرت فالفقرات لي قبل، هو كاين قطاع الرياضي لي ممكن تحجز ملاعب كرة سلة ملاعب كرة القدم هاد ملاعب القرب متواجدين بالرباط، سلا أو تقدر تخلص إشتراك الباص أو الطرام و بطبيعة الحال كتكونو معفيين من الزيادة و كتخلصو بأقل ثمن من ناس العامة يعني دائماً تخفيضات، و ممكن تمشيو لمعرض الكتاب، و تمشيو للمسرح أو أي قطاع مسموح دخلو ليه بالجواز د شباب Pass Jeunes هاد الجواز عندو مدة لي تقدر تستعملو فيها.
واش يقدر يدخل بيه صاحبي أو أي شخص ؟
للأسف لا حيت الجوازفيه صورتك و معلومات البطاقة لوطنية يعني تا حد غيرك ميقد يخدم بيه.
التطبيق متوفر فجميع الهواتف ؟
نعم التطبيق متوفر فجميع الهواتف سواء Android & IOS يعني ممكن تحملو فالهاتف ديالك و تخدم بيه واخا ماشي ولد الرباط لا جيتي فراه ممكن خدم بيه،
- رابط تحميل التطبيق للأندرويد :
إضغط على الصورة
- رابط تحميل التطبيق للأيفون :
إضغط على الصورة
- رابط الموقع الرسمي للمنصة :
إضغط على الصورة
- من بعد ما خليت ليكم جميع الراوبط للتحميل أو الموقع الرسمي غنخلي ليكم أيضاً رابط الشرح فيديو :
إضغط على الصورة
حتى لهنا غنكونو وصلنا لنهاية هاد المقال لي عطيتكم جميع المعلومات لي تقدرو تحتاجوها فتطبيق جواز الشباب دابا يمكن ليكم تبداو تخدمو بيه فأقربوقت ممكن حيت غيسهل التنقل على الشباب بالخصوص الشباب ديال الرباط سلا و حتى لي مقيم فهاد المدن يقدر يستافد نتمنى تكونو إستافدتو معايا فهاد المقال و خديتو جميع المعلومات،