البطاقة الإلكترونية الجديدة مع هاتفك ؟
السلام عليكم أصدقاء مدونة BecharNews فهاد التدوينة أوهاد الشرح غادي نشرح ليكم تطبيق هويتي الرقمية لي تطرح مؤخراً ولي بزاف منكم بحث على شي شرح عليه و الأغلبية معرفش يخدم بيه ولا نقدرو نقولو معرفش فين أيخدم بيه فالأساس، تطبيق هويتي الرقمية هو تطبيق جديد لي كيمنحك تربط بطاقتك الوطنية مع هاتفك لا كان تيليفونك كيدعم ميزة NFC هي لي أتخليك تربط البطاقة مع الهاتف ديالك بسهولة.
شنو هي البطاقة الوطنية الإلكترونية الجديدة ؟
- وقت بعد وقت كيتطرح تعديل فالمغرب فالبطاقات الوطنية و سنة 2020 تطرحات بطاقة التعريف الوطنية الجديدة في المغرب لي كان تدار عليها عدة إعلانات فالتلفاز أو عبر منصات التواصل الإجتماعي،
- بطاقة التعريف الوطنية الإلكترونية هي بطاقة من الجيل الجديد لي فيها عدة مميزات و كيما سبق و ذكرت ممكن تربطها مع الهاتف ديالك و أتغنيك عن إدخال المعلومات يدويا في كل مرة كنتي أتسجل فشي موقع،
- مثلا بغيتي تاخد السجل العدلي أونلاين عوض ما غتمشي للمحكمة و تشد الصف دابا من هاتف تقدر تاخدو بفضل البطاقة الوطنية لي كترسل معلوماتك من تطبيق هويتي الرقمية لوزارة العدل أونلاين و هوما كيديرو تحقيق بسيط للمعلومات من بعد كيوجدوه ليك أونلاين
- مثال أخر بغيتي تحل حساب بنكي أونلاين عوض تاني مغتكتب معلوماتك الشخصية و تصور البطاقة هنا كيجي دور تطبيق هويتي الرقمية و الربط لي درتي ليها مع الهاتف،
واش الخدمة مجانية ؟
بطبيعة الحال هاد الخدمة مجانية شرط توفرك على البطاقة الوطنية الجديدة لي خاصك تصوبها فأقرب دائرة أمن،
هادي هي البطاقة الوطنية الإلكترونية
شنو لي مميز فهاد البطاقة ؟
كما سبق و شرحت أن هاد البطاقة فشكلها عادية جداً مكاينش فرق بينها و بين القديمة كاين تغيير فالشكل و فيها إضافة جديدة لي عليها شرحنا هاد التدوينة،
فالمنطقة لي فيها سهم كاين رقاقة بحال SIM مدمجة مع البطاقة لي فيها جميع المعلومات ديالك وهي لي كتخليك تربط البطاقة مع الهاتف ديالك بحال شي بطاقة مصرفية Carte Guichet
كيفاش نربط بطاقتي مع الهاتف ؟
- الخطوة الأولى أتيليشارجي التطبيق من PLAY STORE من صورة هنا
- من بعد أتفتح التطبيق عادي
- هادي هي واجهة التطبيق الرئيسية
- من بعد أنكليكي على أيقونة الإشعارات لي الفوق
- المرحلة المهمة هي هادي هنا كتفعلو NFC و كتحيدو البوشيطة للهاتف و كتلصقة البطاقة الوطنية فظهر الهاتف تا كتقرا مع الهاتف
- منبعد كندوزو للخطوة الموالية
- هنا كيكون الهاتف تعرف على البطاقة ديالك كيبقا ليك تختار واحد الكود متكون من أربع أرقام باش تبقا دوز بيه العمليات
- مرحلة مهمة ولي هي خاص تكتب شي معلومات من البطاقة الوطنية ف التطبيق باش كيتأكد بلي نتا مول البطاقة و كاين خطوات أخرى ساهلين،
جميع الخطوات :
- تكتب CAN يدوياً كيكون فجنب البطاقة فالواجهة الأولى
- كتعاود تلصق البطاقة فظهر الهاتف مرة أخرى
- كيفتحو ليك الكاميرا باش يصورو وجهك ولي خاصك تبقا متبع واحد الدائرة صغيرة فين ما تحركات تبعها بعينيك
فالأخير كتسنا الطلب ديالك يوافقو عليه و كدير كود متكون من 4 أرقام لي أتعقل عليه و هاكا كتكون ربطتي بطاقتك مع الهاتف ديالك سواء ANDROID أو IOS.