حساب التوفير في بنك سياش مميزاته وعيوبه ؟
السلام عليكم أصدقاء مدونة BecharNews فهاد التدوينة أوهاد الشرح غادي نشرح ليكم حساب التوفير في بنك السياش بنك مميزاته وعيوبه و بعض المعلومات لي مغاديش تلقاوهوم حتى فمكان أخر وبطبيعة الحال مجانا بدون مقابل،
نبداو أول شيئ بمعلومات حول هاد الحساب و بعض الإختصارات باش نقدرو نسهلو الأمور.
شنو معنى حساب التوفير ؟
حساب التوفير هو حساب كيكون إما بوحدو أو ثانوي مع حساب الشيك لكن حساب التوفير عندو خدمة وحدة و محدود بحيث كيمكنك من تدخير المال فقط وعندك الحق فحساب واحد فالقطاع البنكي كامل يعني تخبي فيه فلوسك بدون إقتطاعات وفلوسك في أمان بحيث لا حطيتي 10,000 درهم دور عام تلقاها باقا هي نيت منقصاتش هذا هو حساب التوفير.
واش حساب التوفير محدود ؟
بطبيعة الحال حساب التوفير محدود بحيث ميمكنش تحط فيه فوق 40 مليون يعني لا فاتت 40 مليون كيلزم عليك البنك تفتح حساب الشيك لي غير محدود و بنسبة لحساب التوفير ميمكن تحط فيه تا حاجة من غير فلوسك أو تخلص بيه فواتير أو تحويلات يعني حساب جد محدود و مديور للناس لي باغا توفر فلوس للمستقبل أو للأبناء ديالها يعنس لا باغي تدفع للفيزا أو تدير تحويلات فراه مخدامش ليك هذا.
واش ممكن ندير بيه تحويلات لأبناك أخرى ؟
كما سبق و ذكرت فالفقرة لي فاتت فراه حساب التوفير كيمنعك منعا كليا من إستخدام الحساب من أجل التحويلات البنكية للحسابات الأخرى أو دفع الفواتير بيه أو تعبئة يعني هذا للإدخار فقط كيقبل التحويل من نفس الحساب يعني من حساب الشيك لحساب التوفير لكن لازم يكونو فنفس البنك بجوج بيهوم و بسميتك.
شحال نسبة الفائدة في حساب التوفير ؟
بنسبة لحساب التوفير ماشي بحال حساب الشيك بحيث كيختلف من بنك لبنك و لكن سعر الفائدة محدد من بنك المغرب لي جا ف 2.98 % حاليا بتاريخ 01/07/2023 يعني هادشي محدد من بنك المغرب ماشي كلام في كلام و ثمن لي غيتزاد ليك كيبقا عللى ثمن لي أتحط فحسابك يعني قد ما كانت الفلوس كثيرة في حسابك و بقات لمدة 3 أشهر متحركاتش أتجي الفائدة ثابتة و غتكون بنفس لقيمة لي حدد بنك المغرب لي هي 2.98 %
واش كيتسد لا مخدمتش بيه ؟
لا مكيتسدش بحيث أنك ملزم تخلي فيه واحد 100 درهم لي كتخلي حسابك مفتوح و كيبقا مدى الحياة لمن لا بغيتي فلوسك تبقا ملك لك لازم دير حركة وحدة فالحساب ولو مرة فالسنة حيت كاين قانون لا محطيتي تا فلوس لمدة 5 سنوات لبنك كيرسل لك رسالة لا مرديتيش عليها الفلوس كتاخدهوم الدولة.